ਕਾਨੂੰਨੀ ਕਾਰਵਾਈਆਂ

ਅਪਰਾਧਿਕ ਜੁਰਮ ਦੀ ਸ਼ਿਕਾਰ ਹੋਈ ਔਰਤ ਆਪਣੇ ਸਾਥੀ ਜਾਂ ਸਾਬਕਾ ਸਾਥੀ ਦੇ ਖਿਲਾਫ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾ ਸਕਦੀ ਹੈ। ਕੋਈ ਤੀਜੀ ਧਿਰ (ਇੱਕ ਪਰਿਵਾਰਕ ਮੈਂਬਰ, ਨਜ਼ਦੀਕੀ ਦੋਸਤ ਜਾਂ ਗੁਆਂਢੀ ਆਦਿ) ਦੁਆਰਾ ਵੀ ਸ਼ਿਕਾਇਤ ਦਰਜ ਕਰਵਾਈ ਜਾ ਸਕਦੀ ਹੈ।

ਸ਼ਿਕਾਇਤ ਕਿਸੇ ਵੀ ਅਪਰਾਧਿਕ ਕਾਰਵਾਈ ਵਿਚ ਅਹਿਮ ਸ਼ੁਰੂਆਤੀ ਕਦਮ ਹੁੰਦਾ ਹੈ। ਇੱਕ ਵਾਰ ਸ਼ਿਕਾਇਤ ਦਰਜ ਕਰਨ ਤੋਂ ਬਾਅਦ ਇਸ ਨੂੰ ਬਦਲਿਆ ਨਹੀਂ ਜਾ ਸਕਦਾ। ਇਸ ਲਈ ਇਸ ਨੂੰ ਲਿਖਣ ਲਈ ਸਮਾਂ ਕੱਢਣਾ ਮਹੱਤਵਪੂਰਨ ਹੈ। Maison Secours aux Femmes ਵਿਖੇ ਸ਼ੈਲਟਰ ਦੇ ਵਕੀਲ ਪੀੜਤਾਂ ਦੀ ਖਰੜਾ ਤਿਆਰ ਕਰਨ ਅਤੇ ਸ਼ਿਕਾਇਤ ਦਰਜ ਕਰਨ ਵਿੱਚ ਮਦਦ ਕਰ ਸਕਦੇ ਹਨ।

ਜਦੋਂ ਪੁਲਿਸ ਨੂੰ ਸ਼ਿਕਾਇਤ ਮਿਲਦੀ ਹੈ, ਤਾਂ ਉਹ ਜਾਂਚ ਕਰਦੀ ਹੈ। ਜੇਕਰ ਲੋੜੀਂਦੇ ਸਬੂਤ ਹਨ, ਤਾਂ ਉਹ ਫਾਈਲ ਨੂੰ ਅਪਰਾਧਿਕ ਅਤੇ ਦੰਡਕਾਰੀ ਮੁਕੱਦਮੇ ਦੇ ਵਕੀਲ ਨੂੰ ਭੇਜਦੇ ਹਨ ਜੋ ਕਾਰਵਾਈ ਨੂੰ ਮਨਜੂਰੀ ਦਿੰਦਾ ਹੈ ਜਾਂ ਅਸਵੀਕਾਰ ਕਰਦਾ ਹੈ।

ਜੇਕਰ ਕਾਰਵਾਈ ਕਰਨ ਮਨਜ਼ਰੀ ਮਿਲਦੀ ਹੈ, ਤਾਂ ਕਥਿਤ ਅਪਰਾਧੀ ਨੂੰ ਅਧਿਕਾਰਤ ਤੌਰ ‘ਤੇ ਦੋਸ਼ੀ ਠਹਿਰਾਇਆ ਜਾਂਦਾ ਹੈ ਅਤੇ ਉਸ ਨੂੰ ਦੋਸ਼ੀ ਜਾਂ ਦੋਸ਼ੀ ਨਾ ਹੋਣ ਦੀ ਬੇਨਤੀ ਕਰਨ ਦੀ ਲੋੜ ਹੁੰਦੀ ਹੈ।

ਮੁਕੱਦਮੇ ਦੌਰਾਨ, ਮੁਕੱਦਮੇ ਦੇ ਵਕੀਲ ਅਤੇ ਬਚਾਅ ਪੱਖ ਦੇ ਵਕੀਲ ਵਾਰੀ-ਵਾਰੀ ਆਪਣੇ ਸਬੂਤ ਪੇਸ਼ ਕਰਦੇ ਹਨ। ਉਸ ਵੇਲੇ ਗਵਾਹ ਬੋਲਦੇ ਹਨ। ਹਰ ਧਿਰ ਫਿਰ ਜੱਜ ਨੂੰ ਯਕੀਨ ਦਿਵਾਉਣ ਦੀ ਕੋਸ਼ਿਸ਼ ਕਰਦੀ ਹੈ ਕਿ ਉਹ ਵਿਅਕਤੀ ਦੋਸ਼ੀ ਹੈ ਜਾਂ ਬੇਕਸੂਰ।

ਕੈਨੇਡਾ ਵਿੱਚ ਦੋਸ਼ੀ ਨੂੰ ਮੁਕੱਦਮੇ ਦੌਰਾਨ “ਬੇਕਸੂਰ ਮੰਨਿਆ ਜਾਂਦਾ ਹੈ” ਜਦੋਂ ਤੱਕ ਉਸ ਨੂੰ ਦੋਸ਼ੀ ਐਲਾਨ ਨਹੀਂ ਕੀਤਾ ਜਾਂਦਾ।

ਮੁਕੱਦਮੇ ਦੇ ਅੰਤ ਵਿੱਚ ਹਾਲਾਤਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਜੱਜ ਆਪਣਾ ਫੈਸਲਾ ਸੁਣਾਉਂਦਾ ਹੈ ਅਤੇ ਸਜ਼ਾ ਸੁਣਾਉਂਦਾ ਹੈ।

ਕਾਨੂੰਨੀ ਵਿਆਖਿਆ ਅਤੇ ਅਨੁਵਾਦ ਸੇਵਾਵਾਂ ਉਹਨਾਂ ਔਰਤਾਂ ਦੀ ਮਦਦ ਲਈ ਉਪਲਬਧ ਹਨ ਜੋ ਅਦਾਲਤ ਦੁਆਰਾ ਵਰਤੀ ਗਈ ਭਾਸ਼ਾ ਵਿੱਚ ਨਿਪੁੰਨ ਨਹੀਂ ਹੁੰਦੀਆਂ ਹਨ ਤਾਂ ਜੋ ਉਹ ਮੁਕੱਦਮੇ ਦੀ ਕਾਰਵਾਈ ਸਮਝ ਸਕਣ ਅਤੇ ਹਿੱਸਾ ਲੈ ਸਕਣ।